Hazrat Naeemuddin Muradabadi by Mufti Ashraf Burhani

Hazrat Naeemuddin Muradabadi by Mufti Ashraf Burhani

یا فرماتے ہیں مفتیان شرع متین مسئلہ ذیل میں کہ جمعہ کے دن دیہات میں نماز جمعہ جماعت کے ساتھ پڑھنے کے بعد پھر نماز ظہر باجماعت پڑھنا کیسا ہے؟ جبکہ ایک وقت میں دو جماعتیں ہو رہی ہیں

سائل :۔ قاری رئیس کوثر جمالی گریڈیہ جھارکھنڈ

الجواب

علمائے حنفیہ کے نزدیک دیہات میں جمعہ کی نماز جائز نہیں جیسا کہ ہدایہ جلد اول صفحہ 148 میں ہے لا تجوز فی القری لقوله علیہ السلام لا جمعة و لا تشریق و لا فطر و لا اضحی إلا فی مصر جامع ۔
لیکن دیہات میں جہاں لوگ جمعہ کی نماز پڑھتے ہوں انھیں اس سے منع نہیں کیا جائے گا کہ عوام جس طرح بھی اللہ و رسول کا نام لیں غنیمت ہے
اور جب دیہات میں جمعہ نہیں تو ایسی جگہ جمعہ پڑھنے کے بعد ظہر کی نماز ذمہ سے ساقط نہ ہو گی جس کا خلاصہ یہ ہوا کہ دیہات میں دوسرے دنوں کی طرح جمعہ کے دن بھی ظہر کی نماز جماعت کے ساتھ پڑھنا واجب ہے ۔ جیسا کہ فتاوی رضویہ جلد سوم ص 704 پر اعلی حضرت نے تحریر فرمایا ہے
اور فتاوی عالمگیری جلد اول مصری ص 136 میں ہے و من لا تجب علیھم الجمعة من اھل القری و البوادي لهم أن یصلوا الظھر بجماعة یوم الجمعة باذان و إقامة
اور بہار شریعت حصہ چہارم ص 102 میں ہے کہ گاؤں میں جمعہ کے دن بھی ظہر کی نماز اذان و اقامت کے ساتھ پڑھیں ۔

فتاوی فیض الرسول جلد اول صفحہ 418

لہذا معلوم ہوا کہ جب نماز جمعہ دیہات میں ہے ہی نہیں تو دو جماعت کا ایک وقت میں ہونا لازم نہیں آیا

یہ سب کچھ بر بنائے ظاہرالروایہ تھا جو اصل مذہب ہے لیکن اب بوجہ عموم بلوی امام ابو یوسف رحمت اللہ علیہ کے روایت نوادر پر فتوی دیا جاتا ہے ۔
جس کی ترجمانی اعلی حضرت امام احمد رضا خان بریلوی رحمت اللہ علیہ نے فتاوی رضویہ میں ان الفاظ میں فرمائی ۔ ہاں ایک روایت نادرہ امام ابو یوسف رحمت اللہ علیہ سے یہ آئی ہے کہ جب آبادی میں اتنے مسلمان مرد، عاقل بالغ ایسے تندرست جن پر جمعہ فرض ہوسکے آباد ہوں کہ اگر وہاں کی بڑی سے بڑی مسجد میں جمع ہوں تو نہ سماسکیں یہاں تک کہ انہیں جمعہ کے لیے مسجد جامع بنانی پڑے وہ صحت جمعہ کے لیے شہر سمجھی جائے گی

فتاوی مرکز تربیت افتا جلد اول صفحہ 301

واللہ اعلم ورسولہ

کتبہ :۔ محمد کوثر القادری مصباحی گریڈیہ
خادم التدریس :۔ جامعہ فاطمہ للبنات رگھونیہ ڈیہ
زیر تربیت :۔ مرکز تربیت افتا اوجھا گنج بستی
شعبہ تخصص فی الفقہ

 

Aalam E Islam Ko Eid-E-Meelad-Un-Nabi View Lyrics

Aa Dil Main Tujhe Rakh Loon View Lyrics

Aa Gaye Aa Gaye Mustafa Aa Gaye View Lyrics

Aa Jaaye Bulawa Mujhe Aaqa Tere Dar Se View Lyrics

Aaj Ashk Mere Naat Sunain To Ajab Kya View  Lyrics

Aaj Muhammad Aye Moray Ghar View Lyrics

Aaka Ko Pukar Bande Aaka Ko Pukar View Lyrics

Leave a Reply

This site uses Akismet to reduce spam. Learn how your comment data is processed.