Shahan Shah e Do Alam Ka Karam Hai Lyrics

Shahanshah e Do ‘Aalam Ka Karam He
Mere Dil Ko Mayas’sar Un Ka Gham He

Yaheeñ Rehte Haiñ Woh Jaan e Bahaaraañ
Ye Dunya Dil Ki Rashk e Sad Iram He

Bhala Da’awe Haiñ Un Se Humsari Ke
Sar e Arsh e Bareeñ Jin Ka Qadam He

Ye Darbaar e Nabi He Jiske Aage
Na Jaane Arsh e Azam Kab Se Kham He

Taras Khaa-o Meri Tishnah Labi Par
Meri Pyaas Awr Ek Jaam! Kam He

Dil e Betaab Ko Behlaa-uñ Kaise
Bar’hegi Awr Betaabi Sitam He

Yahaañ Qaabu Me Rakh Dil Ko Akhtar
Ye Darbaar e Shaah e Umam He

Leave a Reply

This site uses Akismet to reduce spam. Learn how your comment data is processed.