Shab E Bar’aat Ke Mukhtesar Fazaail O Nawaafil

Aap Dosto’n Ki Khidmat Me Ba Tore Tohfa Pesh Hai Qubul Farmaae’n

 

hazrat Amirul Muminin Mola Ali

Radiy Allaaho Ta’aala Anho Farmaate Hain Ke

hoozur Sallallaaho Ta’aala Alaiyhe Wa Sallam Ne

Irshaad Farmaaya Ke

 

15. Sha’abaan Ko

Aaftaab Gurub Hone Ke Saath Aasmaane Dunya Par Rahmate Ilaahi Ka Nuzul Hota Hai Aur Bandon Ko Pukara Jaata Hai Ke

hai Koi Banda Jo Apne Gunaahon Ki Muaafi Talab Karta Ho??? Aur

magferat Chaahta Ho??? To Main Us Ke Gunaahon Ko Muaaf Kardun Aur Us Ki Magferat Kardun,

hai Koi Banda Jo Rizq E Halaal Talaash Karta Ho???

To Main Us Ko Rozi Dun,

hai Koi Banda Jo Musibat Zeda Ho Aur

Musibaton Se Amaan Chaahta Ho??? To

Main Us Ko Musibaton Se Aazaad Kardun,

 

 

Yaani>Ke Allaah Ta’aala Apne Bandon Par Rahmaton Ki Baarish Barsaata Hai Aur Is Muqaddes Raat Shab E Bar’aat Me Banda Jobhi Mangta Hai Us Ki Nek Muraad Ko Pura Kiya Jaata Hai

 

rozul Afkaar Nuzhat Ul Majaalis Jild 1. Safa 132.

 

Saiyedna Hazrat Isaa Alaiyheessalaam

Ek Pahad Par Tashrif Le Gae Wahaan Sufaid Rang Ka Patthar Mulahza Farmaya Aap Alaiyheessalaam Ko Woh Patthar Bada Pasand Aaya

 

itne Me Allaah Ta’aala Ne Wahih Naazil Farmaai Ke Aey Isaa??? Kya Main Tujh Ko Is Se Ziyada Ajib Chiz Na Dikhaaun?

 

aap Alaiyheessalaam Ne Arz Ki Beshak

Itne Me Woh Patthar Phat Gaya Aur Us Ke Andar Ek Buzurg Nazar Aae Jin Ke Haath Me Ek Sabz Rang Ka Asaa Tha Aur Wahaan Ek Angur Ka Darakht Bhi Tha Jis Ka Mewa Woh Buzurg Khaate The

 

aap Ne Us Buzurg Se Daryaaft Farmaaya Ke Tumhe Yahaa’n Ibaadat Karte Hue Kitni Muddat Guzri Hai?us Buzurg Ne Kaha Ke Main Yahaan Arsa 400.Chaar Sau Saal Se Ibaadat Kar Raha Hun

 

to Saiyedna Hazrat Isaa Alaiyheessalaam Ne

Baargaah E Ilaahi Me Arz Ki Ilaahi Mere Khayaal Me To Tune Is Shakhs Se Afzal Makhluq Paida Nahin Ki Hai?

 

to Baargaahe Khudawandi Se Jawaab Aaya Aey Isaa???

Mere Mahbub muhammad Mustafa

Sallallaaho Ta’aala Alaiyhe Wa Sallam Ki Ummat Ka Jo Fard

Sha’abaan Ul Muazzam Ki 15.Pandrahwin Raat Ko Sirf 2.Do Rakaat Namaaz E Nafl Padhega To Us 2.Do Rakat Nafl Namaaz Ka Sawaab Is Shakhs Ke 400.Chaar Sau Saala Ibaadat Se Ziyaada Hoga

 

allaah Taala Ka Ye Irshaad Sun Kar

Hazrat Isaa Alaiyheessalaam Ne Kaha Ke Kaash Main Bhi Hazrat Ahmade Mujteba muhammad Mustafa Sallallaaho Ta’aala Alaiyhe Wa Sallam Ki Ummat Me Hota?

 

Ya’ani Shab E Bar’aat Ki Ibaadat Allaah Ta’ala Ki Bargaah Me

Be Had Maqbul O Pasandida Hai.

 

hoozur Taajdaare Ambiyaa Sallallaaho Ta’aala Alaiyhe Wa Sallam Irshaad Farmate Hain Ke

 

Rab Tabaarak Wa Ta’aala Shab E Bar’aat Me Tamaam Mo’minin (Sunni Musalman) Ki

Magferat Farmaata Hai

 

Siwaae

1.> Mushrik

 

2.> Jaadugar

 

3.> Najumi

 

4.> Sharaabi

 

5.> Kina Rakhne Waala

 

6.> Biyaaj Khor

 

7.> Maan-Baap Ki Na Farmaani Karne Waala

 

8.> Sunni Musalman Rishtedaaron Se

Qata E Taalluq Rakhne Waalon Ki

Tauba Kiye Bager Magferat Nahin Ki Jaaegi.

 

Is Liye Piyare Doston Apni Magferat Chaahte Ho To Tauba Karo Jise Naaraaz Kiya Hai Taklif Pahunchaai Hai Zulm Kiya Hai

To Us Se Maafi Talab Karo

Phir Allaah Ta’aala Ki Baargaah Me Tauba Karo Allaah Ta’aala Badaa Maherbaan Hai Bakhsh Dega.

 

 

 

14.Sha’abaan Baad Namaaze Asr 40.Baar

laa Haula Walaa Quwwata Illaa Billaahil Aliyyil Azim.

 

Padhne Waale Ke Gunaahon Ki Magferat Hojaati Hai

_______

Us Ke Baad Namaaze Magrib Waqt Shuru Hojaane Par Adaa Ki Jaae Aur

Baad Namaaze Magrib Ya’aani Farz Sunnat Nafl Se Faarig Hojane Ke Baad

 

6.Chhe Rak’aat Nafl 2.Do 2.Do Rak’aat Kar Ke Adaa Ki Jaae

har Rakaat Me Sureh Faatehaa Ke Ba’ad Sureh Ikhlaas

1.Ek 1.Ek Baar Padhen Aur Salaam Fairne Ke Baad

Sureh Yaasin Aur Dua E Nisf Sha’abaan

1.Ek 1.Ek Baar Padh Kar Duaen Karen

 

2.Rakaat Nafl Daraazi E Umr Ke Liye.

 

2.Rak’aat Nafl Rozi Me Barkat Ke Liye Aur

Allaah Ta’aala Kisi Ka Muhtaaj Na Kare.

 

2. Rak’aat Nafl Aafaaton Balaaon Se Bachne Ke Liye.

 

nawaafile Baad Namaaze Ishaa

Saiyed Muhammad Aale Mustafa Ki Aap Hazraat Ki Khidmat Me Arz Hai Ke Mere Sunni Jannati Dosto’n Shab E Baraat Ye Mubarak Raat Sirf Ibaadat Ki Raat Hai Is Muqaddas Raat Me

Hamaatan Qur’aan Khwaani Aur Nawaafil Me Mashgul Rahena Chaahiye Aur Khuraafaat Se Bachna Chaahiye Aur Jitni Himmat Ho Sake

Badh Chadh Kar Ibaadat Karni Chaahiye

 

saiyedna Hazrat Maula Ali Shere Khuda

Radiy Allaaho Ta’aala Anho Se Riwayet Hai Ke

 

hoozur Sallallaaho Ta’aala Alaiyhe Wa Sallam Ne Farmaaya:

 

Jab Shaabaan Ki 15.Panrawin Raat Ho To Us Raat Me Qayaam Karo Aur Us Ke Deen Me Rauza Rakho.

 

aqua Sallallaaho Ta’aala Alaiyhe Wa Sallam Ka Irshaad E Aali Hai Ke

 

Jo Shakhs Sha’abaan Ki 15.Pandrah Taarikh Ko Rauza Rakhkhega

Use Dozakh Ki Aag Na Chhuegi

 

12.Baara Rak’aat Namaaze Nafl

 

2.Do 2.Do Rakaat Kar Ke Ada Karen Har Rak’aat Me

sureh Faateha Ke Baad 3.Tin 3.Tin Baar Sureh Ikhlaas

Padhen Aur Salaam Pher Ne Ke Baad

 

100.Sau Baar Durud Sharif

100.Sau Baar Kalma E Tamjid (Tisra Kalema)

100.Sau Baar Astagfaar Padhen Phir Duaen Karen

Inshaallaah Ta’aala Allaah Qubul Farmaaega.

 

8.Aathh Rak’aat Namaaze Nafl

2.Do 2.Do Rak’aat Kar Ke Ada Karen Har Rakaat Me

sureh Faateha Ke Baad 11.Gyaara 11.Gyaara Baar

sureh Ikhlaas Padhen Aur Is Ka Sawab

 

saiyeda Fatemah Zahra Radiy Allaaho Ta’aala Anha Ki Baargaah Me Pesh Karen Ke

saiyeda Fatema Zaahra

Radiallahu Taala Anha Farmate Hain Ke Main Us Waqt Tak Jannat Me Dakhil Nahin Houngi Jab Tak

Is Ki Shafa’at Na Kardun Sub’haanallaah.

 

100.Sau Rak’aat Namaaze Nafl

2.Do 2.Do Rak’aat Kar Ke Ada Karen Har Rakaat Me

sureh Faateha Ke Baad 10.Das 10.Das Baar

sureh Ikhlaas Padhen

 

Hazrat Hasan Bashri Radiy Allaaho Ta’aala Anho

Farmaate Hain Ke

is 100.Sau Rak’aat Namaaz Padhne Waale Ki Taraf Rabbe Kaaenaat

70.Sattar Dafa Tavajjo Farmaata Hai Aur Har Tawajjo Me 70. Sattar Muraaden

Puri Farmaata Hai Subhanallaah

 

Saiyed Muhammad Aale Mustafa  Ki Aap Tamaam Sunni Sahih Ul Aquida Jannati Doston Se Guzaarish Hai Ke Apni Duao’n Me Mujhe Bhi Yaad Rakhen Jazaakallaahu Khairan Kasira Fiddaarain

 

Allaa Ta’aala Aqua E Do Jahaan Sallallaaho Ta’aala Alaiyhe Wa Sallam

Ke Sadqe Me Aur Murshid E Bar Haque Hoozur Zahir E Millat Radiy Allaaho Ta’aala Anho Ke Tufail Hamaari Aap Ki Jaaiz Duaon Ko Sharfe Qubuliyat Se Nawaze Har Jaaiz Murad Ko Puri Farmae Aamin

 

Taalib E Duaa Saiyed Muhammad Aale Mustafa Quadri Jafarabad Sharif

Leave a Reply

This site uses Akismet to reduce spam. Learn how your comment data is processed.