Nit Nayi Ek Uljhan Hai Uff Gham e Rozgar Ka Aalam Lyrics

Nit Na-ee Ek Uljhan He
Uf’f Gham e Rozgaar Ka Aalam

Kayf o Masti Me Gharq Ye Dunya
Jaane Kya Dil Figaar Ka Aalam

Ay Khuda! Tujh Pe Khoob Zaahir He
He Jo Mujh Sogwaar Ka Aalam

Jaan e Gulshan Ne Ham Se Munh Maw’ra
Ab Kahaañ Woh Bahaar Ka Aalam

Ab Kahaañ Woh Chalakte Paimaane
Ab Kahaañ Woh Khumaar Ka Aalam

Haa-e Kya Ho Gaya Gha’ree Bhar Me
Woh Shakeeb e Qaraar Ka Aalam

Daar e Faani Se Kya Gharaz Us Ko
Jis Ka Aalam Qaraar Ka Aalam

Ab Woh Rangeeniyaañ Nahiñ Ya Rab
Kya Huwa Bazm e Yaar Ka Aalam

Yaad Aata He Waqt e Gham Akhtar
Rukhsat e Gham Gusaar Ka Aalam

Leave a Reply

This site uses Akismet to reduce spam. Learn how your comment data is processed.