Mustafa Ke Rozo Shab Ka Lahza Lahza Hai Be Mishal

مصطفیٰ کے روز و شب کا لحظہ لحظہ بے مثال

مدحتِ محبوبِ کبریاء ﷺ
مصطفیٰ کے روز و شب کا لحظہ لحظہ بے مثال

ان کی روشن زیست کا ہے گوشہ گوشہ بے مثال

 

ان کی ٹھوکر سے رواں آب مقدس لاجواب

چشمۂ پنجاپ کا ہے قطرہ قطرہ بے مثال

 

صاحبِ معراج کو جب دیدِ رب حاصل ہوئی

تھا شبِ معراج کا وہ لمحہ لمحہ بے مثال

 

ہیں جہاں آرام فرما شافعِ روزِ جزا

اس دیارِ پاک کا ہے ذرہ ذرہ بے مثال

 

جن کی جانب اٹھ گئی چشمِ عطائے مصطفیٰ

ہو گئے دارین میں وہ چیدہ چیدہ، بےمثال

 

مشغلہ جن کا رہا ہے مدحتِ خیرالانام

اس کی برکت سے ہوئے وہ رفتہ رفتہ بے مثال

 

سرورِ کونین کے قدموں کی ہیں یہ برکتیں

ہے مدینہ طیبہ کا کوچہ کوچہ بے مثال

 

پڑ رہی ہیں سب پہ کرنیں آیتِ تطہیر کی

اہلِ بیتِ مصطفیٰ کا بچہ بچہ بے مثال

 

رب نے جو صدرِ الم نشرح پہ کی نازل ریاض

اس کتابِ نور کا ہے صفحہ صفحہ بے مثال

 

 

 

Leave a Reply

This site uses Akismet to reduce spam. Learn how your comment data is processed.