mehaboob Dil se

 

Mehaboob Dil se jab Jab Aaqa ko Pukara

Aaai Sada Madine se Ummati Ummati

 

Rote Huve kiya Jab Jab Iqrar Gunahon Ka

Huvi Nida Magfirat ki Rabe Kareem se

 

na din kate na raat jab yaad ki ghaflat ko

bakhsde gunah maula ham aasiyon ke aamal

 

 

 

Mehaboob Ki Mahefil Ko, Mehaboob Sajate Hain
Aate Hain Wohi Jin Ko, Sarkar Bulate Hain

Woh Log Khuda Shahid, Qismat Ke Sikandar Hain
Jo Sarware Alam Ka, Milad Manate Hain

 

Aaqa Ki Sanah Khwani, Dar Asl Ibadat Hai
Ham Naat Ki Surat Me, Quraan Sunate Hain

Jin Ka Bhari Duniya Me, Koi Bhi Nahi Wali
Unko Bhi Mere Aaqa, Sine Se Lagate Hain

Jo Sarware Aalam Ko, Lajpal Samajhte Hain
Daman Talab Bhar Kar, Mehfil Se Woh Jate Hain

Me-khwaro Chaley Jana, Me-khwanae Sarwar Mein
Woh Jamey Talab Sab Ko; Bhar, Bhar Ke Pilate Hain

Allah Ke Khazanon Ke, Malik Hain Nabi Sarwar
Yeh Sach Hai Niyazi, Ham Sarkar Ka Khate Hain.

 

 

Leave a Reply

This site uses Akismet to reduce spam. Learn how your comment data is processed.