Koi To He Jo Nizaam E Hasti Chala Raha He Wohi Khuda Hai Lyrics

 

Koi To He Jo Nizaam E Hasti Chala Raha He Wohi Khuda Hai

Dikhayi Bhi Jo Na Dy Nazar Bhi Jo Aa Rha Hai, Wohi Khuda Hai

 

Talash Us Ko Na Kar Buton Mein, Wo He Badalti Hoi Ruton Mein

Jo Din Ko Raat Or Raat Ko Din Bna Rha He, Wohi Khuda Hai

 

Nazar Bhi Rakhey, Samaatain Bhi, Woh Jaan Laita Hai Niatein Bhi

Jo Khanaey Lashaoor Mein Jagmaga Raha Hai, Wohi Khuda Hai

 

Safaid Us Ka Siyah Us Ka, Nafas Nafas Hai Gawah Us Ka

Jo Sab Ke Maathey Pey Mohar E Qudrat Laga Raha Hai, Wohi Khuda Hai

 

Wohi Hai Mashriq Wohi Hai Maghrib, Safar Karen Sab Usi Ki Janib

Har Aaine Mein Jo Aks Apna Dikha Raha Hai, Wohi Khuda Hai

 

Kisi Ko Sochon Nay Kab Saraha, Wohi Huwa Jo Khuda Nay Chaha

Jo Ikhtiyar E Bashar Pey Pehray Bitha Raha Hai, Wohi Khuda Hai

 

Kisi Ko Taaj E Waqar Bakhshay, Kisi Ko Zillat Ke Ghaar Bakhshay

Jo Shola E Jaan Jala Raha Hai, Bhuja Raha Hai, Wohi Khuda Hai

 

Leave a Reply

This site uses Akismet to reduce spam. Learn how your comment data is processed.