Kare Chara Sazi Ziyaa’rat Keesi Kee Naat Lyrics

Kare Chara Sazi Ziyaa’rat Keesi Kee Naat Lyrics

Kare Chara Sazi

Kare Chara Sazi Ziyaa’rat Keesi Kee

Bhare Zakham Dil Ke Malaa’hat Keesi Kee

 

Chamak Kar Ye Kahte Hain Tal’at Keesi Kee

Ke Deedaar-E-Haq Hai Ziyaarat Keesi Kee

 

Ajab Piyari Piyari Hai Soorat Keesi Kee

Humein Keeya Khuda Ko Hai Ulfat Keesi Kee

 

Abhee Paar Hoon Doobnay Waalay Beiray

Sahara Lagaday Jo Rehmat Keesi Kee

 

Keesi Ko Keesi Se Hui Hai Na Hogee

Khuda Ko Hai Jitnee Muhabbat Keesi Kee

 

Dum-E-Hashar Aasee Mazay Lay Rahay Hain

Shafa’at Keessee Kee Hai Rehmat Keesi Kee

 

Khuda Ka Diya Hai Teray Paas Sub Kuch

Teray Hotay Keeya Hum Ko Haajat Keesi Kee

 

Qamar Ik Ishaaray Mein Do Tukray Dekha

Zamanay Pay Roshan Hai Taaqat Keesi Kee

 

Humein Hain Keessee Kee Shafa’at Kee Khaatir

Humaree Hee Khaatir Hai Shafa’at Keesi Kee

 

Musibat Zadoon Shaad Ho Tum Keh Unse

Nahi Dekhi Jaati Musibat Keesi Kee

 

Na Pohonchaygay Jab Tak Gunaahgar Un Kay

Na Jaayegi Jannat Mein Ummat Keesi Kee

 

Khuda Say Dua Hai Keh Hungaam-E-Rukhsat

Zubaan-E-Hassan Par Ho Midhat Keesi Kee

Leave a Reply

This site uses Akismet to reduce spam. Learn how your comment data is processed.