Jab Kabhi Hum Ne Ghum e Jaanan Ko Bhulaya Hoga Lyrics

Ghum e Hasti Ne Humeñ Khoon Rulaya Hoga

Daaman e Dil Jo Soo e Yaar Khincha Jaata He
Ho Na Ho Us Ne Mujhe Aaj Bulaya Hoga

Aankh Ut’ha Kar To Zara Dekh Mere Dil Ki Taraf
Teri Yaadoñ Ka Chaman Dil Me Sajaya Hoga

Gardish e Dawr Humeñ Cher’h Na Itna Warna
Apne Naaloñ Se Abhi Hashr Uthaya Hoga

Doob Jaa-e Na Kahiñ Ghum Me Humaare Aalam
Hum Jo Ro Deñge To Bahta Huwa Darya Hoga

Sochiye Kitna Haseeñ Hoga Wo Lahza e Akhtar
Sar e Baaliñ Pe Dam e Marg Wo Aaya Hoga

Leave a Reply

This site uses Akismet to reduce spam. Learn how your comment data is processed.