huzoor tajushshariah ka paigam ahle sunnat ke naa

 

Ahle Sunnat Wa Jammat Se Umuman Aur Silsila Aaliya Qadriyah Barkatiyah Razwiyah Se Wabsa Logo Ke Liye Khususan Meri Nasiyat Hai Ke Maslak Ahl Sunnat Wa Jammat Jisko Pehchan Ke Liye Maslak E Ala Hazrat Kaha Jata Hai, Par Mazbuti Se Qaym Rahe, Bad Mazhabo Khususan Rafziyon , Qadyaniyon,Wahabiyon , Deobandiyon Aur Sule Kuliyon Se Apne Aap Ko Dur Rakhe, Unki Sohbat Aur Un Se Mail Jhol Ko Apne Aur Apne Imaan Ke Liye Zahar E Qatil Samje.
Aap Sab Hazrat Par Sab Se Aham Farz Imaan Wa Aqeede Ki Hifazat Hai Lehaja Jis Idara Ya Khanqa , Tanzim Wa Tahrik Ya Jis Shakhs Se Aapke Imaan Jane Ya Imaan Ke Kamzor Hone Ka Khatra Ho Us Se Dur Rahe.
Jitne Idare Aur Khanqahe ,Ulma Wa Aima Mazhab E Haq Ahl Sunnat Wa Jammat Maslak E Ala Hazrat Par Gamzan Hai Unko Apna Samje Aur Dil Me Unki Azmat Rakhe Aur Jo Maslak E Ala Hazrat Ya Tahqeeqat E Ala Hazrat Se Bagawat Kare Un Se Dur Rahe.
Apne Ilaqo Me Azim Ul Shaan Madrase Aur Libarary S Qayam Kare, Un Me Ache Pake Sunni Ulma Ko Ta’niyat Kare Un Ke Rahne Sahne Aur Digar Zarooriyat Puri Karne Ka Ma’qul Intzam Kare Phir Un Se Rabta Me Rah Kar Har Deeni Kam Me Un Se Rehnumai Hasil Kare.
Ulma Wa Khutba Aur Aaima Hazraat Apne Apne Dars Wa Khutbat Aur Jumuah Mubarak Ke Bayanat Me Bidaat Wa Khuraafat Ki Tardid Ke Sath Sath Wahabiyah Wa Deobandiyat

Aur Shiyyat Wa Suleh Kuliyat Ka Rad O Abtal Dalail Wa Barahin Ke Sath Zaroor Karte Rahe Aur Mauqah Wa Mahal Ke Aitbar Se Bujurgo Ka Tazkira Bhi Kare.
Madaaris Arbiyah Ke Zimdar Hazrat Liyaqat Wa Ist’adad Aur Deeni Taslubb Ki Bina Par Asatza Ka Taqrir Kare Aur Masjid Ke Mutwali Hazrat Aaima E Kiram Ki Zarooriyat Ke Lehaj Se Unki Khidmat Kare, Aur Layaq Imaamat Ko Hi Imaamat Ke Liye Muntkhab Kare.
Mulki Halat Ke Paish E Nazar Aap Apne Elaqo Me Ulma E Ahl Sunnat Ki Hidayat Ke Mutabiq Amal Kare.
Sharai Council Of India Bareli Sharif Ke Seminaro Me Jin Masail Par Faisla Ho Usi Ke Mutabiq Aap Faisla Aur Amal Kare Aur Logo Tak Use Pohchane Ko Koshish Kare.
Aslaf E Kiram Khususan Imaam E Ahl Sunnat Ala Hazrat Quds Sira Ki Tasnifat Ko Zaroorat Ke Mutabiq Mukhtlif Zubano Me Shaya Karke Ghar Gahr Muft Pohchane Ki Koshish Kare.
Khud Bhi Saum Wa Salat Ke Aur Digar Nek Kamo Ke Paband Rahe Aur Dusro Ko Bhi Paband Banane Ki Koshish Kare. Khud Bhi Bure Kamo Se Dur Rahe Aur Dusro Ko Bhi Bure Kamo Se Dur Rakhne Ki Koshish Kare. Humesha Har Jagah Aur Har Kaam Me Ache Akhlaq Ka Muzahira Kare, Nek Kamo Me Jayda Se Jayda Hisal Le.
Rizq E Halal Kamane Ke Liye Jad O Jahad Kare Aur Samaj Me Paro Qar Ban Kar Rahe.
Apne Sadqat ,Zakat Aur Atiyat Dete Waqt Deeni Madarish Ka Ta’aun Karna Na Bhule, Dame Dirme Qadme Sukhne Waqtan

Fa Waqtan Iski Madad Karte Rahe, Aur Unke Maqasid Ko Paya Takmil Tak Pohchane Me Bhar Pur Hisa Le.
Daulat Mand Hazrat Gareeb Sunni Musalmano Ka Har Mumkin Tauan Karke Unhe Khush Haal Banane Me Sargaram Rahe Ke Ap Ke Maal Me Allah Ta’la Ne Unka Bhi Haq Rakha Hai.
Apne Bacho Ko Asri Aur Duniaywi Talim Dilaye Magar Unhe Islam Ke Buniyadi Aqaid Ki Talim Zaroor De Aur Imaam E Ahl Sunnat Ala Hazrat Quds Sira Ki Talimat Se Aaga Karte Rahe.
Mujhe Ummid Hai Ke Aap Meri Is Nasiyat Par Khud Bhi Amal Karege Aur Dusro Ko Bhi Is Par Amal Karne Ki Talqin Karege.
Maula Ta’la Hume Deen Matin Ki Jayda Se Jayda Khidmat Karne Ki Taufiq Rafiq Ata Farmaye Humare Deen O Imaan Ki Hifazat Aur Isi Par Humara Khatma Farmaye.

Leave a Reply

This site uses Akismet to reduce spam. Learn how your comment data is processed.