FARZ ULUM COURSE……………………*SABAQ NUMBER (7)
*************************
NAMAZ ME KITNE FARZ HOTE HAIN, OR UN FARZON KA BAYAN
*****************************
AAE-YE, WO ILM-E-DEEN SIKHEN JO HAMARE LIYE FARZ KIYA GAYA HAI, OR FIR US ILM KO DUSRO TAK POHCHANE KI KOSHISH KAREN.
*****************************
____________________
NAMAZ KE FARZON KA BAYAN
**************
Shariat me namaz ke liye kuch farz banaye gaye hain, or un faroz ka sahi ilm hona behad zaruri hai, agar ek bhi farz ki adayigi me kami rehgayi to namaz ada hi nahi hogi, isliye namaz ke farzon ka sahi taur per malum hona her haal me zaruri hai.
*****************************
____________________
NAMAZ KE FARZ
*********
Namaz me 7 cheezen farz hain….
(1)- Takbeer-E-Tehrima.
(2)- Qiyaam.
(3)- Qiraat.
(4)- Ruku.
(5)- Sajda.
(6)- Qada-E-Aakhira.
(7)- Khuruj Besun-Ayehi
*****************************
____________________
NAMAZ KE FARZON KA KHULASA
****************
(1)- Takbeer-E-Tehrima.
Takbeer-E-Tehrima namaz ka pehla farz hai, Namaz ko shuru karne ke liye jab namaz ki niyat bandne ke liye dono haatho ko upar utha ker ALLAHuakber kaha jata hai to ise Takbeer-E-Tehrima kehte hain.
*****************************
(2)- Qiyaam.
Qiyaam namaz ka dursa farz hai, Haath bandh ker namaz ki halat me khade hone ko Qiyam kaha jata hai.
*****************************
(3)- Qiraat.
Qiraat namaz ka teesra farz hai, Quraane azeem padhne ko qiraat kehte hain, Qiraat ka matlab ye hai ke tamaam huruf ko makharij or kawaid ke saath padha jaye.
*****************************
(4)- Ruku.
Ruku namaz ka chautha farz hai, ruku ka matlab ye hai ke inta jhukna ke haath badhaye to haath ghutno tak pohanch jayen, or peedh ko sidha bicha diya jaye.
*****************************
(5)- Sajda.
Sajda namaz ka panchwa farz hai, sajde ka matlab ye hai ke apni peshani yani ke apne mathey ko or naak ki naram haddi ko zameen per zamaye, or apne ghutne or hatheyliyan zameen per jamaye, or pair ke anguthey or ungliyon ka pait bhi zameen per jamaye.
*****************************
(6)- Qada-E-Aakhira.
Qada-E-Aakhira namaz ka chata farz hai, namaz me baith ker attahiyat padhne ki halat ko qada kehte hain, namaz me do qada hote hain, ek qada-e-ula hota hai, or ek qada-e-aakhira hota hai, namaz me jis qada ke baad khade hoker or rakat padhi jaye to us qada ko qada-e-ula kehte hain, or namaz me jis qada ke baad salam pherna ho to usey qada-e-aakhira kehte hain.
*****************************
(7)- Khuruj Besun-Ayehi.
Khuruj Besun-Ayehi namaz ka 7 farz hai, Khuruj Besun-Ayehi ka matlab apne dil ke erade se namaz khatam karna hota hai, jab hum apne dil ke erade se namaz khatam karne ke liye salam pehrte hai to namaz ki us halat ko Khuruj Besun-Ayehi kehte hain.
**************************__

Leave a Reply

This site uses Akismet to reduce spam. Learn how your comment data is processed.