farishtay jiske zair hain lyrics

Firishtai Jis Kai Zaa’ir Hain Madine Mai Woh Turbat Hai
Yai Woh Turbat Hai Jis Ko Arsh e Azam Par Fazilat Hai

Bhalaa Dasht e Madina Se Chaman Ko Koi Nisbat Hai
Madine Ki Fazaa Rashk e Bahaar e Baagh e Jannat Hai

Madina Gar Salaamat Hai Tou Phir Sab Kuch Salaamat Hai
Khudaa Rakhai Madine Ko Usi Ka Dam Ghanimat Hai

Madina Aisaa Gulshan Hai Jo Har Gulshan Ki Zinat Hai
Bahaar e Baagh e Jannat Bhi Madine Ki Badoulat Hai

Madina Chorr Kar Sair e Jinaan Ki kya Zarurat Hai
Yai Jannat Se Bhi Behtar Hai Yai Jitai Ji Ki Jannat Hai

Hamain kya Haqq Ta’ aalaa Ko Madine Se Muhabbat Hai
Madine Se Muhabbat Unn Se Ulfat Ki Alaamat Hai

Gadaagar Hai Jo Uss Dar Ka Wohi Sultaan e Qismat Hai
Gadaa’i Uss Dar e Waalaa Ki Rashk e Baadshaahat Hai

Jo Mustaghni Huwaa Unn Se Muqaddar Uss Ka Khaibat Hai
Khalil Ullah Ko Hangaam e Mehshar Unn Ki Haajat Hai

Ilaahi! Woh Madinah Kaisi Basti Hai Dikhaa Dainaa
Jahaan Rehmat Barasti Hai Jahaan Rehmat Hi Rehmat Hai

Madinah Chaurh Kar Jannat Ki Khushbu Mil Nahi Sakti
Madine Se Muhabbat Hai Tou Jannat Ki Zamaanat Hai

Zamin Par Woh Muhammad Hain Woh Ahmad Asmaanon Mai
Yahan Bhi Unn Ka Charchaa Hai Wahaan Bhi Unn Ki Midhat Hai

Yahaan Bhi Unn Ki Chalti Hai Wahaan Bhi Unn Ki Chalti Hai
Madina Raaj Dhaani Hai Do Alam Par Hukumat Hai

Ghazab Hi Kar Diyaa Akhtar Madine Se Chalai Aye
Ye Woh Jannat Hai Jiss Ki Arsh Waalon Ko Bhi Hasrat Hai

Madina Chorr Kar Akhtar Bhalaa Kyun Jaa’ey Jannat Ko
Yai Jannat kya Har Ik Ni’mat Madine Ki Badoulat Hai

Leave a Reply

This site uses Akismet to reduce spam. Learn how your comment data is processed.