Ejaz Hai Kisi Ka Ya Gardish-e-Zamana Lyrics

 

 

Ejaz Hai Kisi Ka Ya Gardish-e-Zamana!

Toota Hai Asia Mein Seher-e-Farangiyana

 

 

 

Tameer-e-Ashiyan Se Main Ne Ye Raaz Paya

Ahl-e-Nawa Ke Haq Mein Bijli Hai Ashiyana

 

 

 

Ye Bandagi Khudai, Woh Bandagi Gadai

Ya Banda-e-Khuda Ban Ya Banda-e-Zamana!

 

 

 

Ghafil Na Ho Khudi Se, Kar Apni Pasbani

Shaid Kisi Haram Ka Tub Hi Hai Astana

 

 

 

Ae LA ILAH Ke Waris! Baqi Nahin Hai Tujh Mein

Guftar-e-Dilbarana, Kirdar-e-Qaharana

 

 

 

Teri Nigah Se Dil Seenon Mein Kanpte The

Khoya Gya Hai Tera Jazb-e-Qalandarana

 

 

Raaz-e-Haram Se Shaid Iqbal Ba-Khabar Hai

Hain Iss Ki Guftugu Ke Andaz Mehramana

 

 

Khird-Mandon Se Kya Puchoon Ke Meri Ibtida Kya Hai

 

 

Khird-Mandon Se Kya Puchon Ke Meri Ibtida Kya Hai

Ke Main Iss Fikar Mein Rehta Hun, Meri Intiha Kya Hai

 

 

 

Khudi Ko Kar Buland Itna Ke Har Taqdeer Se Pehle

Khuda Bande Se Khud Puche, Bata Teri Raza Kya Hai

 

 

 

Maqam-e-Guftugu Kya Hai Agar Main Keemiya-Gar Hun

Yehi Souz-e-Nafas Hai, Aur Meri Keemiya Kya Hai!

 

 

 

Nazar Ayeen Mujhe Taqdeer Ki Gehraiyan Uss Mein

Na Puch Ae Hum-Nasheen Mujh Se Woh Chashm-e-Surma Sa Kya Hai

 

 

 

Agar Hota Woh Majzoob*-e-Farangi Iss Zamane Mein

To Iqbal Uss Ko Samjhata Maqam-e-Kibriya Kya Hai

 

 

 

Nawa-e-Subahgahi Ne Jigar Khoon Kar Diya Mera

Khudaya Jis Khata Ki Ye Saza Hai, Woh Khata Kya Hai!

 

 

 

Germani Ka Mashoor Majzoob Falsafi Natsha Jo Apne Qalbi Wardaat Ka Sahih Andaza Na Kar Saka Aur Issliye Iss Ke Falsafiyana Afkar Ne Isse Gallat Raste Par Dal Diya.

 

 

 

Jab Ishq Sikhata Hai Adab-e-Khud Agaahi

 

 

 

Jab Ishq Sikhata Hai Adab-e-Khud Agaahi

Khule Hain Ghulamon Par Asrar-e-Shehanshahi

 

 

 

Attar Ho, Rumi Ho, Razi Ho, Ghazali Ho

Kuch Hath Nahin Ata Be Aah-e-Sahargahi

 

 

 

Naumeed Na Ho In Se Ae Rahbar-e-Farzana

Kamkosh To Hain Lekin Be-Zauq Nahin Raahi

 

 

 

Ae Tair-e-Lahooti! Uss Rizq Se Mout Achi

Jis Rizq Se Ati Ho Parwaz Mein Kotahi

 

 

 

Dara-o-Sikandar Se Woh Mard-e-Faqeer Aula

Ho Jis Ki Faqeeri Mein Boo-e-Asadullahi

 

 

Aaeen-e-Jawanmardan, Haq Goyi-o-Bebaki

Allah Ke Sheron Ko Ati Nahin Roobahi

 

Mujhe Aah-o-Faghan-e-Neem Shab Ka Phir Peyam Aya

Tham Ae Rehru Ke Shaid Phir Koi Mushkil Maqam Aya

 

 

 

Zara Taqdeer Ki Gehraiyon Mein Doob Ja Tu Bhi

Ke Iss Jangah Se Main Ban Ke Taeg-e-Be Nayam Aya

 

 

 

Ye Misra Likh Diya Kis Shoukh Ne Ne Mehrab-e-Masjid Par

Ye Nadan Gir Gye Sajdon Mein Jab Waqt-e-Qayam Aya

 

 

 

Chal, Ae Meri Gharibi Ka Tamasha Dekhne Wale

Woh Mehfil Uth Gyi Jis Dam To Mujh Tak Dour-e-Jaam Aya

 

 

 

Diya Iqbal Ne Hindi Musalmanon Ko Souz Apna

Ye Ek Mard-e-Tan Asan Tha, Tan Asanon Ke Kaam Aya

 

 

 

Issi Iqbal Ki Main Justuju Karta Raha Barson

Bari Muddat Ke Baad Akhir Woh Shaheen Zair-e-Daam Aya

Leave a Reply

This site uses Akismet to reduce spam. Learn how your comment data is processed.