Bazm-e-Konain Sajanain kayliyay aap aeye

Sham-e-toheed jalaanain kayliyay aap aeye
 
Aik pegham jo har dil main ujala kar day
Saaree dunya ko sunanain kayliyay aap aeye
 
Aik mudat sey battaktay huway insano ko
Aik markaz pey bulanain kayliyay aap aeye
 
Na khuda ban kay obaltay huway toofaanon main
Kashtiyan paar lagane kayliyay aap aeye
 
Qafilay wale batak jaeyn na manzil sey kaheen
Door tak raha dekanain kayliyay aap aeye
 
Chashm-e-beydaar ko asraar khudaee bakhshay
Sonay walon ko jaganain kayliyay aap aeye

Leave a Reply

This site uses Akismet to reduce spam. Learn how your comment data is processed.