Banda Milne ko Qareeb e hazrat e Qadir Gaya Lyrics in Urdu

بندہ ملنے کو قریب حضرت قادر گیا

لمعہ باطن میں گمنے جلوہ ٴ ظاہر گیا

تیری مرضی پاگیا سورج پھرا  الٹے  قدم

تیری انگلی اٹھ گئی مہ کاکلیجا چر گیا

بڑھ چلی تیری ضیاء اندھیر عالم سے گھٹا

کھل گیا گیسو ترا رحمت کا بادل گھر گیا

بندھ گئی تیری ہوا ساوہ میں خاک اڑنے لگی

بڑھ چلی تیری ضیا آتش پہ پانی پھر گیا

تیری رحمت سے صفی الله کا بیڑا پار تھا

تیرے صدقہ سے نجی الله کا بجرا تر گیا

تیری آمد تھی کہ بیت الله مجرے کو جھکا

تیری ہیبت تھی کہ ہر بت تھر تھرا کر گر گیا

مومن ان کا کیا ہوا الله اس کا ہوگیا

کافر ان سے کیا پھرا الله ہی سے پھر گیا

وہ کہ اس در کا ہوا خلق خدا اس کی ہوئی

وہ کہ اس در سے پھر الله اس سے پھر گیا

مجھ کو دیوانہ بتاتے ہو میں وہ ہشیار ہوں

پاؤں جب طوف حرم میں تھک گئے سر پھر گیا

رحمت للعالمین آفت میں ہوں کیسی کروں

میرے مولیٰ میں تو اس دل سے بلا میں گھر گیا

میں ترے ہاتھوں کے صدقے کیسی کنکریاں تھی وہ

جن سے اتنے کافروں کا دفعتاً منہ پھر گیا

کیوں جناب بوہریرہ تھا وہ کیسا جام شیر

جس سے ستر صاحبوں کا دودھ سے منہ پھر گیا

واسطہ پیارے کا ایسا ہو کہ جو سنی مرے

یوں نہ فرمائیں ترے شاہد کہ وہ فاجر گیا

عرش پہ دھومیں مچیں وہ مومن صالح ملا

فرش سے ماتم اٹھے وہ طیب و طاہر گیا

الله الله یہ علو خاص عبدیت رضا

بندہ ملنے کو قریب حضرت قادر گیا

ٹھوکریں کھاتے پھرو گے ان کے در پر پڑ رہو

قافلہ تو اے رضا# اول گیا آخر گیا

Leave a Reply

This site uses Akismet to reduce spam. Learn how your comment data is processed.