Aankhon Ka Tara Naam E Muhammad Lyrics in Urdu

آنکھوں کا تارا نامِ محمد
دل کا اجالا نامِ محمد

اللہ اکبر رب العلا نے
ہر شے پہ لکھا نامِ محمد

دولت جو چاہو دونوں جہاں کی
کر لو وظیفہ نام محمد

شیدا نہ کیوں ہوں اُس پر مسلماں
رب کو ہے پیارا نام محمد

اللہ والا دم میں بنا دے
اللہ والا نامِ محمد

صل علیٰ کا سہرا سجا کر
دولہا بنایا نامِ محمد

نوح وخلیل و موسیٰ و عیسیٰ
سب کا ہے آقا نام محمد

سارے چمن میں لاکھوں گلوں میں
گل ہے ہزارا نامِ محمد

پائیں مرادیں دونوں جہاں میں
جس نے پکارا نامِ محمد

مومن کو کیوں ہو خطرہ کہیں پر
دل پر ہے کندہ نامِ محمد

پڑھتی درودیں دوڑیں گی حوریں
لاشہ جو لے گا نامِ محمد

روزِ قیامت میزان و پل پر
دے گا سہارا نامِ محمد

غم کی گھٹائیں چھائی ہیں سر پر
کر دے اشارا نام محمد

رنج و الم میں ہے نام لیوا
کر دے اشارا نام محمد

بیڑا تباہی میں آ گیا ہے
دے دے سہارا نام محمد

زخمی جگر پر مجروح دل پر
مرہم لگا جا نام محمد

دل میں عداوت خر کے بھری ہے
نجدی نہ لے گا نام محمد

اپنے رضا پر قربان جاؤں
جس نے سکھایا نام محمد

اپنے جمیل رضوی کے دل میں
آجا سما جا نامِ محمد

Leave a Reply

This site uses Akismet to reduce spam. Learn how your comment data is processed.