یاالٰہی رحم فرما مصطفی کے واسطے

شجرہ علّیہ حضرات عالیہ قادریہ برکاتیہ

رضوان الله تعالٰی علیہم اجمعین الی یوم الدین

یاالٰہی رحم فرما مصطفی کے واسطے

یارسول الله کرم کیجئے خدا کے واسطے

مشکلیں حل کر شہ مشکل کشا کے واسطے

کر بلائیں رد شہید کربلا کے واسطے

سید سجاد کے صدقے میں ساجد رکھ مجھے

علم حق دے باقر علم ہدیٰ کے واسطے

صدق صادق کا تصدق صادق الاسلام کر

بے غضب راضی ہو کاظم اور رضا کے واسطے

بہر معروف و سری معروف دے بے بیخود سری

جند حق میں گن جنید باصفا کے واسطے

بہر شبلی شیر حق دنیا کے کتوں سے بچا

ایک کا رکھ عبد واحد بے ریا کے واسطے

بو الفرح کا صدقہ کر غم کو فرح دے حسن و سعد

بو الحسن اور بو سعید سعد زا کے واسطے

قادری کر قادری رکھ قادریوں میں اٹھا

قدر عبد القادر قدرت نما کے واسطے

احسن الله لھم رزقا سے دے رزق حسن

بندہ رزّاق تاج الاصفیاء کے واسطے

نصرابی صالح کا صدقہ صالح و منصور رکھ

دے حیات دیں محئ جانفزا کے واسطے

طور عرفان و علو حمد و حسنیٰ و بہا

دے علی موسیٰ حسن احمد بہا کے واسطے

بہر ابراہیم مجھ پر نار غم گلزار کر

بھیک دے داتا بھکاری بادشاہ کے واسطے

خانہ ٴ دل کو ضیاء دے روئے ایماں کو جمال

شہ ضیاء مولیٰ جمال الاولیاء کے واسطے

دے محمد کے لئے روزی کر احمد کے لئے

خوان فضل الله سے حصہ گدا کے واسطے

دین و دنیا کے ہیں برکات دے برکات سے

عشق حق دے عشقی عشق انتما کے واسطے

حب اہل بیت دے آل محمد کے لئے

کر شہید عشق حمزہ پیشوا کے واسطے

دل کو اچھا تن کو ستھرا جان کو پر نور کر

اچھے پیارے شمس و دین بدر العلی کے واسطے

دو جہاں میں خادم آل رسول الله کر

حضرت آل رسول مقتدا کے واسطے

صدقہ ان اعیان کا دے چھ عین عزم و علم و عمل

عفو و عرفاں عافیت احمد رضا کے واسطے

Leave a Reply

This site uses Akismet to reduce spam. Learn how your comment data is processed.